ກ່ຽວກັບພວກເຮົາ

ໃນອະດີດບໍລິສັດຂອງພວກເຮົາເປັນຮ້ານໆໜຶ່ງໃນຕະຫຼາດ Pike Place ທີ່ເກົ່າແກ່ໃນເມືອງ Seattle. ເຖິງວ່າຈະເປັນພຽງແຕ່ຮ້ານກາເຟນ້ອຍໆ ສະຕາບັກຊ໌ (Starbucks) ກໍຍັງມີກາເຟຄຸນະພາບດີລະດັບໂລກ ທີ່ຂົ້ວສົດໃຫມ່ໄວ້ບໍລິການລູກຄ້າ. ໂດຍຄຳວ່າສະຕາບັກຊ໌ (Starbucks) ນັ້ນ ໄດ້ຮັບແຮງບັນດານໃຈມາຈາກນະວະນິຍາຍເລື່ອງ Moby Dick ທີ່ຊວນໃຫ້ລະນຶກເຖິງຄວາມໂລແມນຕິກຂອງທ້ອງທະເລ ແລະ ແນວທາງການເດີນເຮືອຂອງພໍ່ຄ້າກາເຟໃນຍຸກນັ້ນ.

ໃນປີ 1981 Howard Schults ອະດີດປະທານກຳມະການ ແລະ ປະທານເຈົ້າໜ້າທີ່ບໍລິຫານຂອງສະຕາບັກຊ໌ ໄດ້ຍ່າງເຂົ້າມາສັ່ງກາເຟສະຕາບັກຊ໌ເປັນຄັ້ງທຳອິດ ແລະ ຫຼັງຈາກໄດ້ລອງດື່ມກາເຟສູມາຕາ(Sumatra) ຢູ່ຮ້ານ Howard Schults ກໍຮູ້ສຶກປະທັບໃຈ ແລະ ໄດ້ເຂົ້າຮ່ວມເຮັດທຸລະກິດກັບຮ້ານສະຕາບັກຊ໌ໃນຫນຶ່ງປີຕໍ່ມາ.

ຕໍ່ມາໃນປີ 1983, Howard ໄດ້ເດີນທາງໄປອິຕາລີ ແລະ ປະທັບໃຈກັບບັນຍາກາດຂອງຮ້ານກາເຟແບບອິຕາລີ ບວກກັບປະສົບການການດື່ມກາເຟທີ່ໂຣແມນຕິກໃນບ່ອນນັ້ນ, ຈຶ່ງເຮັດໃຫ້ລາວມີຄວາມຄິດ ທີ່ຈະນໍາເອົາຮູບແບບຮ້ານກາເຟອີຕາລີຕົ້ນສະບັບ ໄປເປີດຢູ່ອາເມລິກາ ດ້ວຍວິໄສທັດທີ່ວ່າ “ຮ້ານກາເຟແມ່ນບ່ອນສຳລັບສົນທະນາແລກປ່ຽນ, ໃຫ້ຄວາມຮູ້ສຶກຂອງຄວາມເປັນຊຸມຊົນ, ເປັນບ້ານຫລັງທີສາມ ນອກເຫນືອຈາກເຮືອນແລະບ່ອນເຮັດວຽກ." Howard ໄດ້ອອກຈາກສະຕາບັກຊ໌ ພຽງໄລຍະສັ້ນໆ ເພື່ອເລີ່ມເຮັດຮ້ານກາເຟຊື່ II Giornale ຂອງຕົນເອງ. ຫລັງຈາກນັ້ນ, ໃນເດືອນສິງຫາ 1987 ລາວກໍ່ໄດ້ກັບໄປຊື້ກິດຈະການຂອງສະຕາບັກຊ໌ຄືນ ດ້ວຍການຊ່ອຍເຫຼືອຂອງນັກລົງທຶນທ້ອງຖິ່ນ.

ສະຕາບັກຊ໌ ໄດ້ກຳນົດຮູບແບບກິດຈະການຂອງໂຕເອງໃຫ້ແຕກຕ່າງຈາກບໍລິສັດອື່ນແລ້ວແຕ່ທຳອິດ ຖືເປັນຮູບແບບທີ່ບໍ່ໄດ້ມີພຽງຈຸດເດັ່ນຢູ່ທີ່ກາເຟຄຸນະພາບດີ ແລະ ວັດທະນະທຳການດື່ມກາເຟດັ້ງເດີມເທົ່ານັ້ນ ແຕ່ຮ້ານຂອງເຮົາຍັງເປັນສະຖານທີ່ໃຫ້ຜູ້ຄົນເຂົ້າມາພົບປະ ໂອ້ລົມ ມີປະຕິສຳພັນກັນອີກດ້ວຍ.

ພາລະກິດຂອງພວກເຮົາແມ່ນເປັນແຮງບັນດານໃຈ ແລະ ຫຼໍ່ຫຼອມຈິດວິນຍານຂອງມວນມະນຸດ - ຄັ້ງລະໜຶ່ງຄົນ, ຄັ້ງລະໜຶ່ງຈອກ ແລະ ຄັ້ງລະຊຸມຊົນ ໜຶ່ງເພື່ອນບ້ານ.

ມື້ນີ້ຈາກຮ້ານກາເຟທີ່ມີຢູ່ຫລາຍກວ່າ 18,000ສາຂາ ໃນຫລາຍກວ່າ 60ປະເທດ, ສະຕາບັກຊ໌ ຖືໄດ້ວ່າເປັນຜູ້ບຸກເບີກໃນການຂົ້ວບົດແລະຂາຍກາເຟຄຸນະພາບດີຂອງໂລກ. ນອກຈາກນັ້ນເຮົາຕັ້ງໃຈທີ່ຈະໃຫ້ລູກຄ້າໄດ້ສຳຜັດວັດທະນະທຳການດື່ມກາເຟດັ້ງເດີມຂອງເຮົາ ແລະ ປະສົບການຊັ້ນຍອດຈາກກາເຟທຸກໆຈອກຂອງສະຕາບັກຊ໌.